Plantun de Prouvènço

Pèr coumpara dos planto d'encò nostre

Arum italicum & Brachypodium rupestre subsp. rupestre

Sangueiroun

Arum italicum

Araceae

Àutri noum : Figueiroun, Rasin-de-serp, Caulet-de-serp, Erbo-dragouno, Erbo-di-porc.

Noms en français : Arum d'Italie, Gouet d'Italie.

Descripcioun :
Lou sanguieroun es uno planto poulideto bèn couneigudo que trachis dins li relarg proche d'aigo. Se recounèis à si fueio sagitado, sa flour en espato e pièi à si fru roujo. Coume l'avié vist Lamarck (1778), en caufant e en largant d'oudour que pudisson, la flour vai veni de pichòti mousco (Psychoda) que la poulinison.

Usanço :
La planto caup d'alcalouïde, d'ossalate de caucion e mant'un pouisoun subretout li fueio e li fru. Pamens lou tubercule, riche en amidoun, es esta manja cue dóu tèms di carestié. Pèr acò, lou faire bèn couire e chanja l'aigo mant'un cop. Sarié vertuouso pèr li póumoun e contro li moureno e lou mau d'os (Turquìo).

Port : Erbo
Taio : 20 à 70 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Arum
Famiho : Araceae

Ordre : Alismatales

Coulour de la flour :
Petalo : ges
Ø (o loungour) flour : 5 à 8 cm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Abriéu à mai

Liò : Ribiero - Prado umido - Ermas
Estànci : Termoumediterran à Mesoumediterran
Couroulougi : Eurimediterrano
Ref. sc. : Arum italicum Mill., 1768

Bauco-(roucassiero)

Brachypodium rupestre subsp. rupestre

Poaceae Graminaceae

Noms en français : Brachypode penné, Palène.

Descripcioun :
Aquesto bauco trachis en mato souto li blacas, faiard e pin o en ribo de fourèst. Es un pau pelouso, mai bèn mens que Brachypodium sylvaticum. Se n'en destrìo peréu à sis arèsto que fan pas mai de 4 mm. Si fueio rèston plato au contre de Brachypodium phoenicoides que soun envertouiado. Coumpara emé la grando-bauco. La subsp. de Prouvènço, ié dison rupestre.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 100 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Brachypodium
Famiho : Poaceae
Famiho classico : Graminaceae

Coulour de la flour : Verdo
Petalo : ges
Ø (o loungour) enflourejado : 5 à 10 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
JUn à avoust

Liò : Bos clar - Blachiero - Faio
Estànci : Termoumediterran à Subremediterran
Couroulougi : Atlantico
Ref. sc. : Brachypodium rupestre subsp. rupestre (Host) Roem. & Schult., 1817 (= Brachypodium pinnatum subsp. rupestre (Host) Schübler & G.Martens, 1834 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Arum italicum & Brachypodium rupestre subsp. rupestre

ges

Coumpara Sangueiroun emé uno autro planto

Coumpara Bauco-(roucassiero) emé uno autro planto